Gott kvöld kæru vinir.
        Í þessum töluðu orðum er bara norðan snjóbylur hér fyrir utan gluggann minn og sannarlega ekki vorlegt um að lítast.

        Ég fór aðeins á bak í dag, skellti mér einn túr á þeirri rauðstjörnóttu og gekk það mjög vel. en Jesús minn kuldinn þegar maður sneri við og reið til norðurs. Ég lýg því ekki að þetta var eins og norðurpóllinn allur væri komin og biti frá sér allverulega.      

        Vonandi fer þessu kuldakasti að ljúka og ég vona svo sannarlega að vorið komi bráðum eins og segir í kvæðinu " Senn kemur vorið á vængjum yfir flóann" Hlýleg setning sem minnir á vorið.

     Já vorið er tíminn sem allt springur út og það er og hefur verið tillhlökkun í hjarta mínu hvert sinn er vorar. Þannig hefur það verið alla mína æfidaga, Þó er eitt vor sem ég vil ekki enn þann dag í dag viðurkenna að hafi komið með hlýjan andblæ.

       Við erum stödd í því tímaskeiði er vorið 2003 boðaði komu sína, blómin voru að springa út og fuglarnir byrjaðir að verpa, lofthiti að aukast og bændur m.a komnir á fullt í vorverkin, sauðburður og þess alls er til fellur á hverjum bæ og hverju býli.  Við Arna vorum að taka á móti vorinu í hestamennsku okkar eins og allir aðrir  þegar höggið kom, högg sem var svo snöggt og svo fast og svo sárt, Höggið sem breytti svo miklu. Á einu augabragi hvarf vorið burt, það gerðist  þann 13 maí  2003.    Góð vinkona og nágranni hér í Langholtinu Guðrún Margrét Hallgrímsdóttir sambýliskona Jónasar Bergsteinssonar vinar okkar einnig, fellur af hestbaki og slasast svo alvarlega að það dregur hana til dauða einmitt á þessum degi 15 maí 2003.

           Guðrún Hallgrímsdóttir var merkileg kona fyrir margra hluta sakir og kom víða við á alltof stuttri æfi sinni hér á jörð.
       Ekki ætla ég að telja það allt upp er Guðrún afrekaði um sína daga, þar er af nógu að taka.  Miklu heldur vil ég á þessum degi minnast þeirra innilegu skemmtilegu stunda og þeirra skemmtilegu bíltúra lengri sem styttri er við áttum og fórum saman, ég og Arna og Guðrún og Jónas. Ég minnist þeirra stunda með þakklæti og hlýhug,
        Guðrún Hallgrímsdóttir var mikil félagsmálamanneskja og eldklár á mörgum sviðum og þótt við værum kannski ekki alltaf sammála þá var samstarf okkar bæði mikið, gott  og náið þegar ég gegndi formennsku í Hestamannafélaginu Létti og hún ritstýrði fréttabréfi Léttis.

      Ég er ekki viss um að margir viti það í dag, allar götur ekki  þeir sem yngri eru að Guðrún Hallgríms setti upp og hannaði fyrstu heimasíðu Hestamannafélagsins. lettir.nett  og ritstýrði henni fyrstu árin. Þar var Guðrún mín kæra vinkona  á heimavelli og metnaðarfull var hún  í hvívetna í öllum sínum störfum er sneri að síðununni sem og öllu öðru er hún tók að sér fyrir félagið okkar.

         Ég segi það satt að enn þann dag í dag sakna ég Guðrúnar ,og vildi óska þess að vorið 2003 hefði bara komið eins og það átti að koma, og  nú 9 árum síðar hefðum við getað haldið áfram vináttu okkar hjónaleysana hér í Langholtinu, En því miður eru vegir lífsins ekki séðir fyrir. Þennan dag fyrir 9 árum var klippt á streng sem aldrei aftur verður hnýttur.  Ég og Arna mín huggum  okkur þó við það og trúum því að almættinu hafa vantað góðan liðsmann til afreka á himnum og því tekið Guðrún Hallgrímsdóttir frá okkur 15 maí 2003.
         Blessuð sé minning góðrar vinkonu og minning hennar mun lifa í huga mér og Örnu um alla framtíð.
         Hvíli hún í friði Guðs. Hver minning er sem dýrmæt perla.

        Ég sendi dætrum Guðrúnar, þeim  Þóru, Jarðþrúði og Ninnu hvar svo sem þær eru í heiminum í dag,  sem og Jónasi kærum vini, einnig  enn og aftur okkar  innilegustu samúðarkveðjur.

       Myndin hér að ofan er af Guðrúnu og þessa mynd höfum við Arna í stofunni hjá okkur til minningar um góða konu.

        Við Arna min komum stundum að legstað Guðrúnar í Lögmannshlíðarkirkjugarði og ég  viðurkenni  að ég klökkna stundum er ég stend við leiði Guðrúnar og hugsa um góðar stundir er við áttum saman. Þær stundir gleymast ei.

       Kæra Vinkona: Guðrún Margrét Hallgrímsdóttir.  Takk fyrir samfylgdina, vináttuna og gegnar stundir, sem því miður urðu  alltof fáar.

Fúsi Helga og Arna.

Bara stutt núna.
 

        Norðan átt og kuldi hér um slóðir og það verð ég að segja eins og er að þetta helv.... dregur mann alveg niður, ég sem var komin í svo helv.... flottan gír. Allt á fullu og útreiðar í banananananastuði.
 

          En öll él styttir upp um síðir, man ekki eftir vondu veðri sem ekki lagast fyrir rest.
 

        Gott að sjá það á heimasíðu vina minna þeirra, Helgu og Gumma. fluguhestar.is að það eru fleiri en ég sem tala um kosti og galla 3 eða 5 dómarakerfisins . Ein hugmynd sem ég heyrði í dag sem mér finnst eiga rétt á sér. Hún er sú að framvegis verði það auglýst hvort 3 eða 5 dómarar dæma fyrirhugað mót. Þá geta knapar valið hvort þeir taki þátt eður ei.

    Annars bara góður,
 

        Eldjárn á hröðum batavegi og sýnist hann vera algjörlega afhaltur orðin. Eins og ég nefndi hér í gær er gott að vita að ekki séu að detta mikið af folöldum þessa köldu daga og nú er komið að því að við þurfum að fara að sverma fyrir stóhesti fyrir sumarið, ef það að segja verður niðurstaðan að halda merunum yfir höfuð. Ég er ekkert viss um að við fjölgum mikið meira í bráðina, nógur er hópurinn sem er að koma og mun koma til tamningar á næstu 2-3 árum, og er það held ég ef ég er alveg hreinskilinn, alveg nóg fyrir okkur hjúinn hér í Langholtinu. Auðvitað má alveg skipta um skoðun og kannski gerum við það ef og þegar við sjáum eitthvað efnilegt á komandi sumri. Eitt er víst, nóg er að góðum graðhestum í nást öðru hverju húsi hér í bæ. Allir virðast vera að ala upp gæðinga í formi stóðhesta og miklar vonir og væntingar fylgja hverju skrefi. Skil ég það ósköp vel, ég og við erum ein af þeim sem erum í þeirri stöðu að vera með góðan graðhest ( að okkar mati og sem betur fer fleiri líka)

     Ég var að sjá veðurspá fyrir næstu daga og heldur er þetta að lagast, og gott ef ekki verður komið blíðuveður um næstu helgi. Það vona ég svo sannarlega því það get ég sagt að það var eins og að koma í dauðs manns hús að koma í hesthúsahverfið í dag, nánast engin á ferli og kyrrð yfir öllu. Stór hluti af minni hestamennsku er félagskapurinn og því er það skarð fyrir skildi þegar allir eru á hlaupum eins og greinilega er nú um stundir í þessa veðravíti sem yfir okkur gengur. Vonandi og því trúi ég að fyrr eða síðar  standi þetta til bóta.
 

     En eitt að lokum:

     Hefur þetta norðan áhlaup lagt alla á hliðina? mér er eiginlega spurn? ég bað um það í skrifum mínum í gær að fá reynslusögur af múkklækningum og ekki síður fyrirbyggjandi aðgerðum við þessum slæma hvilla sem þetta múkk er,  En hvað,  engin hefur komið fram ennþá, ekki einu sinni vinir mínir traustir tveir. Abbestón og Hólm, hólmgeir. ( smá rím)  þó var mjög mikil umferð um síðuna í gær og í dag. Ég trúi því ekki að ég sé sá eini sem er og hefur verið að berjast við MÚKK:

   Elsku vinir upp með fingurna og segið frá.

Ég bíð. kv Fúsi Helga.

            Stutt bara núna.
 

       Stjórn Léttis/mótanefnd  ætlar að setja mig í þá stöðu að þurfa að leita réttar og láta túlka lagalega,  ekki bara míns vegna  heldur miklu fleiri félaga með þeirri dæmalausu ákvörðun að halda til streitu á opnu félagsmóti  um næstu helgi að mismuna skráðum keppendum. Þetta snýst ekki um fjölda Léttismanna sem verða gerðir aftureka, heldur vinnubrögð. Hvað svo sem lög Léttis segja þá gengur það aldrei að banna þeim sem ekki hafa greitt árgjald Léttis fyrir árið 2012 að taka þátt í mótinu, af því að það er galopið. En þeir sem ekki eru í Létti og skrá sig á mótið þurfa að sjálfsögðu ekki að vera búnir að greiða sitt árgjald því Létti kemur það ekkert við.  Þetta þýðir það einfaldlega að þeir sem ekki hafa greitt árgjaldið sitt og samkvæmt túlkun stjórnar Léttis á félagarétti geta ekki tekið þátt í mótinu. Þeir hinir sömu geta  þá skrá  sig bara undir öðru félagi því margir eru skráðir í önnur félög svo, sem innan ÍBA til dæmis og Léttir getur ekkert gert. Viljum við að þessi leið verði farin????  Hér er um mjög svo grófa mismunum að ræða og enn og aftur skora ég á stjórn félagsins að annað hvort falla frá þessari dæmalausu þvælu sem þetta er, eða hinum kostinum að loka mótinu fyrir aðra en Léttisfélaga sem hafa greitt árgjaldið sitt.

     Nú er það svo að ég er svo sannarlega ekki að mótmæla því að menn greiði sitt árgjald til félagsins sem samþykkt er á aðalfundi hverju sinni, En að mismuna fólki og svo gróflega sem raun ber vitni í þessu máli er stjórn félagsins til háðungar.

       Lítum á nokkrar staðreyndir málsins: Léttismenn vinna að mótinu, flestir í sjálfboðavinnu  og halda það, Léttismenn eiga völlinn.  Mótið er einungis í nafni félagsins okkar, Léttis,  en þeir sitja samt ekki við sama borð og aðrir keppendur á þessu OPNA móti sem greiða ekkert til félagsins nema í þessu tilfelli skráningargjald sem allir greiða hvort sem þeir eru félagsmenn Léttis eður ei. Og það sem meira er, sama skráningargjald  skal yfir alla ganga. Það er út af fyrir sig líka umhugsunarefni.      

            Það sér hver viti borinn maður að þetta er ga ga hugmyndarfræði og enn og aftur skora ég á stjórn/ mótanefnd að  rata nú úr villu síns vegar  hvað þetta mót og túlkun varðar. Ef Vormót Léttis væri lokað mót væri svo sannarlega og réttmætt að beita lagaákvæðinu er varðar félagsréttindi. Spurning lika hvort ekki eigi að taka það upp eins og var hér í denn að vera með lokuð mót, þ.e.a.s bara fyrir Léttismenn. ( að minnsta kosti sum mót samanber deildarmót ÍDL eins og var í gamla daga)  

      Ekk deili ég á lög Léttis og virði þau, en hvað þetta opna mót varðar þá bara er ekki hægt að túlka lög félagsins með þeim hætti gagnvart skuldugum félagsmönnum  árgjalda  er stjórn félagsins gerir.

      Ég tek það skýrt fram svo það sé alveg á hreinu að ég hef persónulega alls engra hagsmuna að gæta, frekar en oft og langoftast  er ég hef einhverja skoðun á málum.      Ég hef svo því sé líka til haga haldið ekki ennþá að minnsta kosti greitt árgjald mitt til Léttis fyrir árið 2012.  Má ég samt vinna að mótinu?????Ég veit manna best að árgjald félagsins er félaginu mikilvægt og hef fullan skilning á því en get með engu móti fallist á að vinna og túlka lögin með þeim hætti er gert er. Þetta er mín skoðun.  Mér bara finnst að félagið mitt( samkvæmt lögum er ég ekki lengur félagsmaður Léttis) eigi að láta félagsmenn sem þrátt fyrir að skulda árgjald en vinna oft baki brotnu í sjálfboðavinnu fyrir félagið ( þá missa menn ekki félagsréttindinn eða hvað?) ekki líða fyrir það að greiða ekki á réttum tíma árgjald en bjóða svo í stað utanfélagsknöpum eins ágætir og þeir eru og sannarlega velkomnir til okkar, að keppa hjá okkur.

        Félagsgjald Léttis skilar sér oftast nokkuð vel fyrir rest að mér hefur sýnst á aðalfundum og því get ég ekki fallist á og leyfi mér að mótmæla þessari túlkun stjórnar félagsins á þessu hvað þetta OPNA mót varðar,   og því spyr ég og bið um svar: Fyrir hverja er verið að halda þetta OPNA vormót.?????

    En sannarlega eiga menn að greiða á réttum tíma gjaldið sitt. En í þessu máli er um grófa mismunum að ræða sem ég er mjög svo ósáttur við.

thingid er slutt.

Gott kvöld gott fólk.

       Ég hef verið helv.... latur að skrifa og mynda síðustu dægrin, en ég er nú að vona að mér sé að vaxa ásmegin hvað varðar skrif um og hestatengt efni bæði satt og satt, því ég segi alltaf satt, ekki satt ?  eins og allir vita. Það er svo margt framundan að nóg verður efnið til að færa í letur og á filmu næstu dagana langa.  esssasú?

     Vormót Léttis á Hlíðarholti og opið mót sem er hið besta en eitt vekur furðu í auglýsingu um þetta mót, þar stendur að: Léttismenn verða að vera búnir að borga árgjaldið sitt. hinir þurfa ekkert að vera búnir að borga. Tel hér um mismunun að ræða sem stenst ekki skoðun, þótt lög Léttis taki á því hvað varðar félagsrétt. Engu að síður er ég nokkuð viss um að ekki megi mismuna keppendum eins og sett er hér  fram  Skora á Mótanefnd Léttis að skoða þetta.

          Svo eru framundan kynbótasýningar hvar svo sem þær nú verða. hef það fyrir satt að í gærkvöldi hafi einungis verið komnar tvær skráningar á kynbótasýninguna á Melgerðismelum !!!!!! Hvað veldur ???? spyr sá er veit. !!!!!!!!!

         Svo er margt annað að gerast boltinn að byrja að rúlla, rollurnar að bera, hryssurnar að kasta og blómin springa út EF ÞESSARI HELV.... KULDATÍÐ SLOTAR.
 

        Skoðaði norsku veðurspána í morgun og hún það helv..... spáir kulda og frosti hér í bæ og næsta nágrenni til að minnsta kosti 17 maí. Trúi ekki einu orði hjá þessum frændum okkar.  En best er að sýna æðruleysi og biðja algóðan Guð um gott veður, NÚNA STRAXXXXXXXXXXX.

        Var í Reykjavík í dag og skoðaði Landsmótsstaðinn í Víðidal. Lýst mjög vel á þetta hjá þeim Fáksurum og veit að þeir munu standa sýna plikt á Landsmóti komanda í sumar. Finnst ég eiga pínu, pínu  í þessu Landsmóti í dalnum og er stoltur af því.

      Jæja fyrsta lambið þetta vorið kom í kvöld hjá nágrönnum okkar þeim feðgum Árna Magg og co, óskaplega falleg gimbur (eins og ég hafi nú eitthvað sérstakt innsæi í það)  

    Annars bara góóóóóóððððður.
    

Kvennatölt verður haldið í Topreiter höllinni á morgun. Ja dúddamía skyldi þessi hér að ofan skrá sig ????????? Hvernig sem það nú fer mun ég mæta og sjá allar  sætu !!!!!!!!!!!!!!!!!!!!!!!!!!!!!!!  hryssurnar og hestana sem þarna keppa. Ætlar þú ekki að mæta???????

        Gott kvöld kæru vinir.

          Já það er orðið langt síðan ég var hér og ef ekki væri kvennatölt á morgun myndi ég sennilega ekki hafa sest niður við tölvuna í kvöld.
 

       Það er búið að vera bara gaman síðustu daga að ríða út og temja, veðrið sæmilega gott og reiðvegir að þorna og verða góðir, og það bara gengur helv,,,, vel. Ég er farin að ríða á þeim  báðum hryssunum er ég byrjaði á um daginn. þeim Örnu-Stjörnu Glampadóttir og Álfheiðar  og Dúkku Appollosdóttir  og Öbbu, og það bara gengur með þær báðar betur en ég þorði að vona.
         Sú rauða, Arna-Stjarna  hefur verið mér heldur erfiðari nú í upphafi, var mikil fyrir sér og ég treysti henni ekki alveg, en þegar hún lét sig þá gekk þetta bara vel og mér lýst bara alltaf betur og betur á hana. Hún er hreingeng, notar tölt og brokk og verður að ég tel bara þó nokkuð rúm svona strax. hreyfingar eru allt í lagi og mér finnst þær koma og trúi því reyndar að það komi meiri en bara meðal meiri fótaburður um leið þegar hún lærir að beita sér fram og eins  þegar hún verður búin að læra að bera mig laufléttan kallinn.  Allar götur hefur hún ættir til að geta lyft fótum bæði hátt og hratt.         
            Viljinn verður ábyggilega líka í lagi.

            Dúkka sú brúna er komin skemur en verður ábyggilega ekkert síðri. allt  öðruvísi hestgerð að flestu leiti en sú rauða,  miklu mildari og verður eflaust ljúf og skemmtileg. Hún sínir þó nokkuð mikinn fótaburð á tölti  strax og er eins og hin með brokk og tölt sem valgang nú í upphafi. Ekki vantar heldur hér hreyfingu í ætterni þessarar hryssu. Þessi hryssa er úr stofninum sem ég fékk frá Afa mínum heitnum og veit ég að sá gamli mun fylgjast vel með mér við úrvinnsluna með hana þessa. hún er í beinan kvennlegg í  fimmta lið frá Snörp frá Hvassafelli þessi dúkka mín. 

 
Heilsa að sinni.

         Gott kvöld kæru kæru.

        Jæja nú er hin helga páskahátíð hafin og allir verða svo hátíðlegir og penir í öllu sínu. Páskar hafa ætíð verið hjá mér tilefni til mikilla útreiða og hestastúss með stórum stöfum,  en ekki byrjar það þó gáfulega þessa páskana. Botnlaus vinna í allan dag og ég komst ekki í hesthús fyrr en langt var liðið á dag og gerði lítið annað en að gefa blessuðum skepnunum mínum og verð að láta reiðtúrinn bíða til morguns. Svo er mikið umleikis heima við og fjölskyldan öll, börn barnabörn og tengdabörn í heimsókn hér um páskana svo eitthvað verður að sinna þeim þætti og það geri ég með glöðu geði, ég er svo mikill fjölskyldumaður og nýt mín svo í hópi barna minna og ekki síður barnabarna sem eru orðin sex samtals, já ég er ríkur maður.

      
         Ég skrifaði hér í fyrrakvöld hugleiðingar mínar m.a um hestadómara og fékk þó okkur góð viðbrögð við skrifum mínum og þakka ég það.
         Ég tel og endurtek að við hestamenn þurfum að skoða allt hestamótahald okkar í víðara samhengi en gert hefur verið. Ég held að þetta eigi reyndar við um íþróttamótahald almennt. Það landslag sem við búum nú við er svo gjörólíkt því sem við þekktum, sérstaklega fyrir bankahrun þegar fjármagn ( að vísu falskt fjármagn ) draup af hverju strái.
          Þannig er ekki til að dreifa í dag og allt hestahald er í dag svo miklu, miklu dýrara en áður (það getum við sennilega öll verið sammála um lika .................??????????) og bara það að olíuverð hefur tvöfaldast frá hruni setur okkur skorður sem sér stað í hesta og mótahaldi almennt.

          Í dag er það stórmál fjárhagslega að fara með hestakerrur fullar af keppnishrossum  á milli héraða og tali ég nú ekki um milli landshluta. Þetta hefur nú þegar haft áhrif og því miður eru ekki teikn á lofti um að þetta breytist í komandi tíð.
          Þó hefur eins skrítið og það er nú ekki orðið svo mikil hækkun á skráningargjöldum hestamóta, allar götur ekki hér hjá okkur í Létti.og segja má að við mótshaldarar bjóðum verðbólgubálinu byrginn í þeim efnum.

         En er þetta hægt til lengdar?

         Hvað myndi gerast ef mótshaldarar myndu hækka skráningargjöld hestamóta um helming eða um það bil.? Myndi þá sýningar- og mótahald hrynja til grunna,? Hvað ef sú krafa myndi koma fram hjá mótshöldurum að hér eftir eigi að greiða öllum starfsmönnum hestamóta laun,? laun sambærileg við laun dómara sem eru svo sem ekki nein bankastjóralaun. Hvað ef nú þyrfti að fara að greiða sérstakt vallar -  og eða reiðhallargjald fyrir hverja skráningu. Ljóst er að sveitarfélög munu ekki á allra næstu árum að minnsta kosti dæla fjármunum í auknum mæli í rekstur mannvirkja hestamanna frekar en annarra íþróttamannvirka. Sá rekstur mun leggjast af fullum þunga á hestamannafélögin og eða önnur íþróttafélög á næstunni, það þekki ég úr minni vinnu. 
        Þess vegna tel ég að við hestamenn og ég nefni þá hér sérstaklega vegna þess að ég er að ræða við hestamenn, að ég tel með þessum skrifum mínum, já ég tel að við hestamenn eigum að vera á undan og marka okkur einhverja heildstæða raunsæja sýn til framtíðar sem tekur mið af þessu landslagi sem við erum að upplifa nú eins og að ofan greinir. Hér þurfum við að hittast og ræða þessi mál.   Kannski og ég held það reyndar þurfum við að endurmeta svo marga hluti í okkar annars ágæta starfi hestamenn og til dæmis er það nú orðið svo í þessari óðaverðbólgu eldsneytisverðs að fólk sem í gegnum árin já og áratugina hefur starfað af miklum krafti í sjálfboðavinnu fyrir félagið sitt, þarf nú að draga úr starfinu til dæmis ef viðkomandi þarf um einhvern verulegan veg að keyra, til t.d funda og eða annarar sjálfboðavinnu, Heyrt hef ég að þessi dýrtíð sé farin að höggva all verulega í félagstarf til sveita og veit ég að t.d kórar eru að verða heldur mjóróma víða, svo hefur hvarnast úr þem vegna kostnaðar við kóræfingar sem liggur  fyrst og síðast í eldsneytisverði. Já ég tel að við þurfum að skoða þetta lífsmynstur sem við höfum lifað upp á nýtt og forgangsraða einnig á ný.

        Auðvitað komumst við einhvern daginn í gegnum þessa þoku og því er það svo miklivægt að við verðum ekki orðin svo sködduð á allan hátt að við getum ekki reyst okkur upp á ný,

         Jæja að allt öðru.

         Það gengur bara nokkuð vel hestamennskan hjá mér enda ekki ég að flengjast með kerru á milli staða. Ég held að ég hafi barasta aldrei komið á bak Samherja mínum betri en í gær og ég hlakkaði svo til í allan dag að koma honum á bak aftur í kvöld, sem svo varð og verður að bíða til morguns sökum anna. Samherji minn heitir í höfuðið á útgerðarfélaginu Samherja hér í bæ og er ég stoltur af nafngiftinni  á  hestinum sem og ég er stoltur af sveitungum mínum er reka það glæsilega fyrirtæki Samherja  h/f . 
         Ég þekki þá frændur sem reka það góða fyrirtæki af góðu einu og trúi á sakleysi þeirra sem og ég og trúi því að fyrr en síðar verði báðir, það er Samherji minn og Samherji HF, stolt heimabyggðar sinnar. sem og reyndar Samherji h/f hefur verið í aldarfjórðung, Samherji minn á það bara eftir, Vil geta þess hér að þetta góða fyrirtæki er hér um ræðir. hefur nú í nokkur ár styrkt m.a Hestamannafélagið Létti um dágóða fjárupphæð á ári hverju og er það lýsandi dæmi um vinarþel og viðurkenningu þeirra er því fyrirtæki stjórna, á því góðu íþróttastarfi og æskulíðsstarfi okkar Léttismanna.

           Einnig verð ég að nefna hana Örnu-Stjörnu Glampadóttir aðeins hér í lokin, Ég hef verið að fara henni á bak nú í nokkra daga og í gær fór ég í þriðja sinnið á bak henni( að vísu bundna við staur) Sú rauða hrekkjaði í tvö fyrstu skiptin aðeins, þó ekki mikið, en lét svo það eiga sig í gær þegar ég fór á bak henni. Afi heitinn sagði mér það að ef hross hrekkja ekki í þriðja sinn er farið er  á bak þá hrekkji þau ekki. Því skal ég og trúa og þvi að framundan sé bara beinn og breiður vegur hjá okkur Örnu -Stjörnu, Stefnan er að fara með hana í Sörlastaði í sumar og mig er farið að hlakka  til þeirrar ferðar, minnugur ferðarinnar frá sl hausti, Set ég því í lokinn mynd af kellu hér með, reyndar neðan við nú en hvaða máli skiptir hvort  það sé undir eða ofaná, sama er mér. þetta er allt svo gott og blessað.

      Jæja þá er best að hætta þessu nú í kvöld og bíð ég því góða nótt.